URA agentziak Izurtzako ibaiertz bat eraberritu du

URA- Uraren Euskal Agentziak Mañaria ibaiaren ertzeko zati bat, Ibaizabalen adarra, zaharberritu du Izurtzan, Arbizolea industrialdearen parean, 2019an izan zen ibaiertzaren lerradura bat zabaltzea saihesteko.

Lerradurak ibaiertza hondatuta utzi zuen, lurra eta landaredia galduta, eta higadurak ubidearen parean diren udal-azpiegiturei eragiteko arriskua zegoen, URAk ohar batean azaldu duenez. Horrela, jausitako bloke askatuak kendu ondoren, ibaiertzeko lurra sendotzen ibili dira. Horretarako, harkaitz-ohantzean euskarriak sortu, enborrak gurutzatu eta espezie autoktonoak landatu dituzte.

Jarduketak 17.000 euroko aurrekontua izan du eta Izurtzako Udalak eta URAk jabari publiko hidraulikoaren ibilgu eta ertzetan ibai-mantentze lanak elkarregaz egiteko lankidetza-protokoloaren esparruan gauzatu da.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.