Proiektu horren barruan, hiru semaforo berri ipiniko dituzte herrigunetik igarotzen den errepidean. Durango-Mañaria norabidean, Tabira inguruko biribilgunea pasatu ostean ipiniko dute lehenengo semaforoa, Izurtzako txaletak dauden zuzengunean. Bigarrena herrigunetik Antonio Txiki okindegira bitartean ipiniko dute, eta hirugarrena bihurgunearen ostean.
Semaforoak ipintzeaz gainera, espaloi zati bat ere egingo dute Durango-Mañaria norabideko ezkerreko aldean, herrigune ingurutik bihurgunera bitartean, oinezkoen segurtasuna hobetzeko.