Baina, konfinamenduaren ostean, areagotu egin da jende emaria, baita han uzten den zikinkeria kopurua ere; batez ere, asteburuetan. Ildo horretatik, udalaren eskariz, Amankomunazgoak kontenedore berde bi gehiago jarri ditu uda sasoirako. Parkea garbi mantetzeko eskatzen duten oharrak ere jarri ditu udalak hainbat puntutan. Hala ere, oraindik badago eskari horiei kasurik egiten ez dienik, udal arduradunen esanetan. Lorea Muñoz alkateak azaldu du, Izurtzan ez ezik, inguruko beste herri batzuetako parkeetan ere arazo berbera dutela, eta parkeak garbi mantetzeko eskatu die bisitariei. "Utzi ditzagun parkeak norbera parkera joaten denean aurkitu gura izaten duen moduan", azaldu du.