Izurtzako Udalak autoen abiadura gutxitzeko egingo du inbertsiorik handiena 2020ko aurrekontuetan

Izurtzan aho batez onartu dituzte 2020ko aurrekontuak. Zenbateko osoa 671.915 euro da, eta euretatik 214.385 inbertsioetarako gorde dituzte.

Urtean zehar, inbertsioetako zenbatekoa handitzeko asmoa dute, soberakinetik hartuta. Oraingoz, autoen abiadura gutxitzeko neurriena da inbertsio nagusia: 120.000 euro. Semaforo berri bi ipini gura dituzte, zebrabide eta guzti. Semaforoak gorri ipiniko dira 50 kilometro orduko abiadura gainditzen bada. Txaleten aldeko irteeran egongo litzateke semaforo bat, eta Antonio Txiki okindegiaren parean bestea. Azken hori bihurgune baten ostean dagoenez, aurretik semaforoa dagoela ohartarazteko gailuren bat ipintzeko eskatu diote Aldundiari. Espaloi zati berriak ere egin gura dituzte.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.