Horregatik, Izurtzako Udalak eta Aldundiak, elkarregaz, ikerketak agindu dituzte. Arlo horretako adituek eskura zeuden dokumentuetan arakatu dute eta eremura bertara joan dira. Perimetroan zehar, sasoi bateko hainbat mugarri aurkitu dituzte, esaterako. Informazio horregaz guztiagaz zehaztu ahal izan dute perimetroa.
Mañaritik Urkiola igotzen hasi eta eskumako aldean dago 53 hektareako lur zati hori, Eskuagatxen mendi-hegalean. Behetik gorako norabidean, laukizuzen itxura du. Mañariko hainbat lur pribatutan egiten du muga lau aldeetan. Izurtzako lur horien mugaketa ekainean egingo dute ofizial, Aldundiak iragarri duenez.