Izurtzarrek denetariko elikagai iraunkorrak eraman dituzte udaletxera edo mediku kontsulta dagoen eraikinean egokitutako gunera. Dagoeneko eraman dute batutako janari guztia Herriak Durangon duen egoitzara.
Aurtengo janari bilketa aurreko urteetakoaren parekoa izan dela adierazi dute udal arduradunek, eta ekimena baikorki baloratu dute. Euskal Herri osoan batutako produktuekin, otsailean Euskal Karabana Solidarioa abiatuko dute Tindufeko kanpalekura, bertako saharar errefuxiatuei laguntzeko.