Atzo eguerdian 51 urteko langile bat hil zen Iurretako lantoki batean, Arriandiko paper fabrika baten. Lanean zebilela gertatu zen ezbeharra. Ertzaintzak jakitera eman duenez, osasun-langileak bertaratu ziren arren ezin izan zuten honen bizia salbatu.
LAB sindikatuak esan duenez, hilabete eta erdi zeramatzan bertan lanean. “Tankean zegoen lanean eta txarto sentitu zen. Saiatu ziren suspertzen, baina ezin izan zuten. Aztertzen ari dira material kutsagarriren baten eraginez izan den ala ez, hau da, heriotza traumatiko edo ez traumatkoa izan den”, gehitu dute LABekoek. Bestalde, inguruko neurketak egin dituela Osalanek, lan ikuskaritzak eta suhiltzaileek esan dute.