Juan Mari Areitio bertsolari iurretarrari esker oneko ekitaldia egingo diote irailaren 19an. Durangaldeko Bertso Eskolak antolatutako ekitaldian Maialen Lujanbio, Andoni Egaña, Miren Amuriza, Onintza Enbeita, Alaitz Areitio eta Xabier Amuriza bertsolariek parte hartuko dute. Baita Durangaldeko Bertso Eskolak eta Gorka Valdes & Hektor Folk taldeak ere, aurreratu dutenez. Areitoren lagunek ere ez dute hutsik egingo.
Esker oneko ekitaldia plazan izango da, 12:30ean. Ondoren, bazkaria egingo dute Montoste elkartean. Horretarako, Gauargi tabernan eman behar da izena, antolatzaileek azaldu dutenez.