"Egunotako beroaldiekin leihoak zabaldu behar ditugu lo egin ahal izateko, gainerako iurretarrek legez. Baina Dantzari kaleko etxarteetan leiho bat zabaltzeak atsedenari uko egitea esan gura du", salatu dute auzokoek.
Oskar Koka alkatearen berbetan, "ulertzekoa" da Dantzari kaleko bizilegunen egoera. Eta adierazi du euren jardunerako zehaztuta dituzten arauak gogoraraziko dizkietela tabernei (taberna eta terrazen ordutegiak, baimendutako dezibelioak...). Hala ere, gauean udaltzainik ez egotera, zuzenean Ertzaintzari deitzea eskatu die herritarrei.