Iurretako Zaldai mendi taldeak 25 urte bete ditu aurten eta, mendi astearen barruan, toki berezia egin diote urteurrenari. Atzo arratsaldean Askondoko aterpean egindako ekitaldian mendi taldeko sortzaileak eta birsortzaileak omendu zituzten. Horrekin batera, aipamen berezi bat egin zioten Iñaki Irazabal ‘Kiña’ri. Oroigarri baten bidez eskertu zioten urtez urte Zaldairen historia argazkien bidez jasotzeko erakutsi duen prestutasuna.
Azkenik, atzoko ekitaldian 2025eko mendi erronka egin zutenak saritu zituzten. Guztira 61 lagunek lortu dute erronka osatzea, euretako 21 adin txikikoak.