ANBOTO Telebista

[BIDEOA]: Larrialdi zerbitzuek biktima anitzeko gertakari baten simulakroa egin dute Iurretan

Ekaitz Herrera 2026ko urtarrilaren 23a
Deskargatu Info Ahotsak :

Arratsalde honetan, autobus istripu batean zelan esku hartu simulatu dute Iurretako suhiltzaileen parkean. Ariketan Osakidetzako Emergentzietako 30 profesionalek eta Bizkaiko Foru Aldundiko suhiltzaileek parte hartu dute. 

Iurretako suhiltzaileen parkea emergentzia egoera baten simulazio eszenatoki izan da gaur. Autobus baten istripua simulatu dute, biktima askorekin. Eusko Jaurlaritzak adierazi duenez, halako ariketak funtsezkoak dira emergentzietako profesionalen koordinazioa eta komunikazioa indartzeko, horrelako ekitaldiak gertatzen direnerako prest egon daitezen. Gaurko ariketari esker, hain zuzen ere, triaje-protokoloen eta zaurituak ebakuatzeko protokoloen eraginkortasuna ebaluatu dute, baita biktimak osasun-eremuetara garraiatzeko dispositiboen eraginkortasuna egiaztatu ere.

Simulakroa 18:00etan egin dute. Bertan, Osakidetzako emergentzietako 30 profesional, Bizkaiko Foru Aldundiko suhiltzaileak, Lore Bilbao Osakidetzako zuzendari nagusia, Eleder Rios Osakidetzako Emergentzietako zuzendaria eta Pedro Luis Izaga Bizkaiko Foru Aldundiko Suhiltzaileen zuzendaria izan dira.

Gizartea Iurreta
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!