Garaizar eta Amatza auzoak batzen dituen tartea egokitu dute lan hauekin, Iurretako Udalaren arabera, guztira, 635 metroko tartea. Gainera, lurrean arekak egin dira, etorkizunean argiteria publikoa jarri ahal izateko. Bidea oinezkoentzako eta baimendutako ibilgailuentzako izango da. "Bide hori Iurretako herrirako interes turistiko handiko bidexka homologatu baten zati da, bertatik komunikatzen baitira Amatzako San Martin baseliza eta Garaizarreko San Mames baseliza", azaldu du Iurretako Udalak ohar batean.
'Eki bidea' 80.eko hamarkadan Cola Cao Zirkuituak bezala ezagutzera eman zituztenetako bat izan zen. Espainiako Batzorde Olinpikoaren babesagaz, hiriguneetan kirola sustatzeko proiektua izan ziren Cola Cao zirkuituak.