Txirrindularitzan lehen pausoak eman gura dituzten umeei zuzenduta, Bizikleta Eguna antolatu dute Iurretan biharko. Durangaldeko Bizikleta Eskolak sustatu du ekitaldia, Bizkaiko Txirrindularitza Federazioagaz eta Egin Kirola-Have Fun! ekimenagaz batera. Ginkanak, jolasak eta sorpresak egongo dira Askondon, 11:00etan hasita.
"Jarduerak txirrindularitzaren munduan lehen pausoak eman nahi dituzten haurrentzat zuzenduta daude, ibilbide egokituak eta ikasketa eta dibertsioa uztartzen dituzten proposamenekin", antolatzaileek azaldu dutenez. Iurretako Udala, Bizieskola.net eta kirola eta mugikortasun jasangarria sustatzen dituzten tokiko beste eragile batzuk ere arituko dira laguntzaile gisa.