Ekimenaren bultzatzaileek arroza, konpresa paketeak, pasta, lekaleak, atun latak, sardina latak, azukrea eta oliba olioa batu gura dituzte batez ere, Río de Oro elkarteari eman eta haiek kanpamentuetara bidaltzeko. Dohaintzan emandako elikagai kilo baten edo konpresa paketeen truke liburu bat emango dute.
Trukatzen diren liburuak erakundeek eta partikularrek Herri Bibliotekari egindako liburu dohaintzetatik datoz. Liburuen sailkapena egin da, eta kanpainari liburuak ematea gehitu zaio. Ekimen honekin, elikagaiak biltzeko kanpainan parte hartzeaz gain, irakurzaletasuna sustatu nahi dute ekimenaren bultzatzaileek. Bildutako elikagaiak Rio de Oro Durangaldea GKEra bideratuko dira.