Zaldaik 28 kilometroko ibilbidea prestatu du, Oiz mendiaren magaletik. Izena eman gura duenak kirolprobak.com atarian egin dezake hori, 10 euro ordainduta. Egunean bertan ere egongo da aukera izena emateko, 09:00etatik 09:45era bitartean; orduan, 13 euro izango dira. Izena ematen duten lehenengo 150 pertsonek buff bat jasoko dute opari.
Gallandara frontalekin
Bestalde, Gallandara mendi irteera egiteko aukera egongo da zapatuan. Ibilaldia 18:00etan hasiko da eta frontalekin egingo dute. Zaldai mendi taldekoek azaldu dutenez, umeekin egiteko moduko ibilbidea prestatu dute. Gainera, txikienek ibilbide erdian batzeko aukera izango dute, Lukuarrietatik hasita. Ibilaldia Askondon hasiko da.