Iurretako Abadetxeak gonbidatuta, Leire Milikua idazle abadiñarrak Lur gainean itzal azpian liburua aurkeztuko du datorren ekainaren 15ean. Ekitaldi berezia da Abadetxeko arduradunek antolatu dutena; izan ere, Ana de la Maza nekazariak (Garai Kontserbak) ere parte hartuko du solasaldian.
Milikuak emakume nekazarien egoera aztertu gura izan du iaz Susa argitaletxeko Lisipe bilduman kaleraturiko saiakeran, eta bertan jasorikoak azalduko ditu aurkezpenean, 19:00etan. Solasaldia amaitu ondoren, bertako produktuak dastatzeko aukera izango dute bertaratzen direnek.