Hainbeste lorpenekin goia jo duela ematen duenean, zirrikituren bat bilatu eta oraindino gorago joateko modua aurkitzen du Gurutze Fradesek. Oraingo honetan munduko txapelketa batean bere ibilbideko lehenengo domina irabazi du. Ibizako distantzia luzeko triatloian izan zen, joan zen asteburuan, eta Fradesek brontzezko domina eskuratu zuen. "Ondo prestatuta nindoan, sasoian nengoen eta gauzak nahi moduan irten dira. Oraingoa nire zazpigarren munduko txapelketa izan da eta hainbeste urteren ostea brontzea irabazi izanak asko pozten nau", adierazi du triatloilari iurretarrak.
Urrezko domina Marjolaine Pierre frantziarrak irabazi zuen eta zilarrezkoa Sara Svensk suediarrak.
Gurutze Frades eskuman, podiumeko hirugarren postuan (Facebook: Gurutze Frades)