Iurretako kontsultategian administrazio-eremuak berritu ditu Osakidetzak

Osakidetzak Iurretako osasun-zentroko administrazio eremuak berritu ditu, "bizilagunei ematen zaien arreta hobetzeko". Iurretakoagaz batera, Basauriko San Migelgo zentroko administrazio-eremua ere berritu dute,  guztira 212.433 euroko inbertsioa eginez.  

Ohiko mostradoreen ordez mahaiko arreta-guneak jarri dituzte, "erabiltzaileari esertzeko eta arreta gizatiarragoa eta pertsonalizatuagoa jasotzeko aukera emanez", ohar batean azaldu dutenez. "Arreta-eredu hurbilagoa, integralagoa eta pertsonalizatuagoa garatzea" izan dute helburu nabarmendu dutenez.

Iurretako kontsultategiak — Durangoko Lehen Mailako Arretako Unitateari dagokio— 347 metro koadro erabilgarri ditu eta inguruko 4.355 pertsonari ematen dio zerbitzua. Erizaintza, Pediatria eta Familia Medikuntzako zerbitzuak ditu, eta, urtean, 41.487 kontsulta artatzen ditu, osakidetzako arduradunek azaldu dutenez.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!