Maspe kalea herritarrentzat "atseginagoa" eta "irisgarriagoa" dela orain nabarmendu du Iurretako Udalak ohar batean. Zehaztu dutenez, autobus geltoki berriei dagokienez, gardenagoak dira eta argiztapena zaintzen dute itzalguneak saihesteko. Horrez gain, mugikortasun urriko pertsonen irisgarritasuna errazteko berrikuntzak ere baditu, irudi modernoagoa eta gaurkotuagoa izateaz gain".
Maspe kalean 84 etxebizitza eraiki zirela aprobetxatuz hasi zituen udalak kale horretako berrurbanizazio lanak, eta uda honetan amaitu dira neurri batean. Izan ere, eraikuntzaren inguruaren berrurbanizazioa urte amaieran bukatzea aurreikusi dute. Etxebitzak inguratuko dituen espaloia, arbola gehiago jartzea eta Ibazaibal errekari paralelo joango den bidegorri berri bat jasotzen dira berrurbanizazio horretan.