Gaur egun Iurretako alkatea den Iñaki Totorikaguenak (EAJ) nabarmendu du "herriarekiko konpromiso handia" izan zuen gizona izan zela Etxebarria: "Dena egiteko zegoenean hartu zuen alkate kargua, horrek dakarren zailtasunagaz. Eta aurretik zuen erronkari heldu zion. Horrek duen meritoa aitortu behar zaio", adierazi du Totorikaguenak. "Berak hasitako lanari jarraitu diogu atzetik, bakoitzak bere estiloan", gaineratu du.
Jose Martin Etxebarria alkate zela, zinegotzi izan zen zortzi urtez Iñaki Totorikaguena. Etxebarriak eman zion udaleko aginte makila Totorikaguenari duela15 urte.
Desanexioaren ostean
Batzar Nagusiek Iurretaren desanexioa onartu zuten 1989ko azaroaren 13an. 1990eko urtarrilaren 1etik hurrengo udal hauteskundeak egin arte, gestora batek kudeatu zuen herria. Behin-behineko udala kudeatu zuen gestora horretako presidentea izan zen Etxebarria.
Jose Martin Etxebarria agurtzeko hileta elizkizunak bihar, apirilaren 12an, izango dira Aita San Migel elizan, 18:00etan.