Taxi Auzunea zerbitzurako txartela berrizteko epea zabaldu dute Iurretan

Taxi Auzunea zerbitzuaren erabiltzaileek urtarrilaren 31ra arteko epea izango dute txartela berritzeko.

Iurretako Udalak  2009an jarri zen martxan Taxi Auzunea, hiriguneko zerbitzuak landa-guneetara hurbiltzeko eta ibilgailu pribatuaren zentzuzko erabilera sustatzeko. Iaz, 170 txartel eman zitzaizkien zerbitzu hori erabili nahi zuten bizilagunei, eta batez beste 200 bidaia egin zituen hilean (abuztuan ez dago zerbitzurik).

Astelehenetik barikura bitartean emango da zerbitzua, 07:30etik 20:00etara, eta, zapatuetan, 09:00etatik 14:00etara mugatuko da ordutegia. Bidaiaren prezioa euro bikoa izango da eta honako telefono zenbakira deituta jarri daiteke harremanetan taxiagaz: 688 618 690.

Otsailaren 1etik aurrera udalak emandako erabiltzaile-txartel berria aurkeztu beharko zaio taxi gidariari.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.