Orduan bueltatuko dira lasterketen munduko izen handiak Iurretara. Baina, bien bitartean, parentesi luze hau arintzeko, lasterketa xume eta herrikoiago bat egingo dute domeka honetan Iurretako Udalaren laguntzagaz. Adin guztietarako lasterketak egongo dira: benjamin-aurrekoetatik nagusietaraino. Lehenengo lasterketak 11:30ean hasiko dira eta elite mailakoari 12:30ean ekingo diote. Nagusien probak lau kilometroko luzera izango du.
Izen-ematea aurretik egin behar da, kalean itsatsi dituzten karteletan ageri den QR loturan sartuta. Bidezabal atletismo taldearen sare sozialetan ere aurkitu daiteke ekimeneko kartela.