Kanpainagaz bat egin duten herriko dendetan egindako erosketa bakoitzeko edo tabernetan egindako kontsumizio bakoitzeko zigiluak lortuko dituzte bezeroek, eta 100 euroko 15 deskontu baleren zozketan parte hartzeko auketa izango dute. Kanpainak herriko dendetan erosketak egitea eta tokiko ostalaritza establezimenduetan kontsumitzea indartu eta bultzatzea du helburu udal arduradunek azaldu dutenez.
Zigiluak jartzeko 3.000 txartel ipiniko ditu eskura udalak Herritarren Arretarako Zerbitzuan (HAZ). Bi ataletan banatuko dira txartelak, merkataritza eta ostalaritza, argitu dutenez. Zigiluak desberdinak izango dira, sektorearen araberako irudia izango dute eta kolore desberdinak. Behin txartela beteta HAZan egongo den postontzian sartu beharko da. Azaroaren 4an egingo da zozketa.
Momentuz, 10 merkataritza saltoki eta 4 ostalaritza establezimendu daude kanpainara atxikita, eta bertan eskaturatu daitezke zigiluak. Hala ere, beste establezimendu edo komertzioren batek kanpainagaz bat egin gura badu honako telefono zenbakietara deitu dezake: 94 681 81 42 eta 688 738 102.
Guztiek izango dute kanpainaren kartela bereizgarri bezala. Apuntatutakoen zerrenda eguneratua egongo da Iurretako Udalaren eta Dendak Bai elkartearen web orrialdeetan.