Abadetxeak bertso saioa eta karaokea antolatu ditu

Hiru bertsolari nafar eta iurretar bat. Iurretako Abadetxeak bertso jaialdia antolatu du lau bertsolariak batuta. Xabier Silveira, Aitor Larreta, Erika Lagoma eta Eneko Abasolo 'Abarkas' bertsolariek saioa eskainiko dute, uztailaren 24an, zapatuan, Iurretako Abadetxean. Igor Galarza abadiñarrak ipiniko dizkie gaiak. Bertaso saioa 19:00etan hasiko da.

Erika Lagomak eta Xabier Silveirak Nafarroako txapelketan parte hartuko dute urrian. Aurresailkapenean aurrera egin dute bertsolari biek. Bestalde, Eneko Abasolo 'Abarkas'-ek Bizkaiko txapelketako finalaurrekoetan parte hartuko du urrian. Beraz, udan egindako plazak txapelketa biak prestatzeko erabili ahal izango dituzte.

Abadetxeak bakarkako ibilbideari ekin zion joan zen ekainean, Plazaratu dinamikak utzitako lekuakoari helduta. Etapa berri horren barruan antolatu du Abadetxeak bertsolarien arteko topaketa hau zapaturako. Aurrerago, Durangaldeko bertsolariak Baztan aldera joango dira bertsotan. Halaxe azaldu dute Abadetxeko ordezkariek.

Bertso saioaren ondoren, trikiti doinuek berotuko dute plazako giroa. Egunari amaiera emateko, karaokean parte hartzeko aukera ere izango dute saiora bertaratuko diren bertsozale guztiek.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.