Iurretako Udalak seme-alaben hezkuntza-gastu orokorrak zati batean ordaintzea du helburu, haurtzaindegitik hasi eta DBHko 4. mailara bitartean dauden neska-mutilen hezkuntza gastuak. Udal arduradunek nabarmendu dute seme-alabak Haurtzaindegian izan dituzten familiek 150 eurora arte laguntza eskatu dezaketela.
Diru-laguntza diru-kopuru bat izango da udal ordezkariek ohar batean azaldu dutenez, familia-unitatearen errentaren, kideen kopuruaren eta ardurapeko seme-alaben edo adingabeen ikasketa-mailaren arabera zehaztuko dena, argitu dutenez. Honako tarteak zehaztu dira: Haurreskola (150 euro), Haur Hezkuntza (45 euro), Lehen Hezkuntza (45 euro) eta DBHko 1. eta 2. maila (45 euro) eta DBHko 3. eta 4. maila (75 euro). Diru-laguntzak orokorrak izango direnez, onuradunek antzeko zenbatekoko laguntzak jasoko dituzte derrigorrezko hezkuntza bereizten den aldi bakoitzean.
Familia-unitate bakoitzeko eskaera bakarra egin ahal izango da, eta eskabidea elektronikoki aurkeztu beharko da. Herritarrentzako Arreta Zerbitzuan (Bidebarrieta kalea, 5) ere aurkeztu ahal izango da.