Iurretako Udalak kreditu aldaketa egin du inbertsioa 380.000 euroan handitzeko. Horrela, honako sei proiektu hauek gauzatuko dituzte: saihesbideko zubitik (hiltegitik) Santa Apoloniaraino doan errepide zatia hobetuko dute ; gaur egun itxita dagoen Askondo eta Dantzari arteko kale zatia zabalduko dute; auzoetako postontziak aldatuko dituzte, ikasgela egokitzeko proiektua gauzatuko dute; adinekoen etxean irisgarritasun-obrak egin eta leiho eta altzariak aldatuko dituzte; eta Bideondo birpartzelatzeko eta urbanizatzeko proiektua idatziko dute.
EH Bilduk aldaketa honen kontrako botoa eman zuen. "Proiektu hauen lehentasun edo egokitasun zein formari buruz eztabaidatzeko aukerarik ez dugu izan. Kontra bozkatu dugu. Ez proiektuen edo inbertsioen aurka gaudelako, politika egiteko modu hau ez dugulako konpartitzen baino".