Askondo kaleko karpan egokituko dute merkatua, eta 14 erakustoki atonduko dituzte, artisauek euren lanak erakutsi eta saltzeko. Era berean, antolatzaileek azaldu dutenez, beste sei postu ere ipiniko dituzte, bigarren eskuko objektuak eskaintzeko. Azoka 10:00etatik 15:00etara egongo da zabalik.
Aurten, Orekarte elkarteak bigarrenez antolatu du azoka, Iurretako Udalaren eta beste hainbat elkarteren laguntzagaz: Iurretako ostalariak, Iurretako Gazte Asanblada, KSK Seletorra kolektiboa, eta Río de Oro eta La Otra Mirada.