"Gipuzkoa aldean ikusi dut, leku pare batean eskariak egiteko bertsotan hasi direla baserritar batzuk. Horixe egitea pentsatu dut", dio. Honako hauek dira Juan Mari Areitio "Gaztelu" bertsolariak bere eskuz idatzitako eta ANBOTOri helarazitako bertsoak:
Ixorretatik nator
justizi egarriz
Ertzilleko garaixe
jo-puntuan jarriz
txukun asko egina
egur eta harriz
abandonatua da
modu lotsagarriz
pixkat zaindu ezian
Jausiko da barriz
Zenbat injustizia
dagoen munduan
horrelako batzuek
badittut buruan
Ertzilleko garaixe
hor nola daguan
ziur jausiko dala
hurrengo neguan
Azkorreko ermitta
Jausi dan moduan
Ertzille aldetik doa
gaurko albistie
basarri ikaragarria
horrela jaustie
oinbete korta zana
erortzen iztie
negargarria dogu
hemen ikustie
Ertzille inguruko
estanpa tristie
Gure lehengo arotzak
ta lehengo harginak
hoiek egin zituzten
gure eraikinak
ikusgarriak eta
benetan bikainak
zaintzen egin behar duz
gure ahaleginak
gure aiton-amonen
izerdiz eginak