Aritz Ganboa Arruazuko artzainaren kirol erronka erakusten duen 'Bideak' dokumentalagaz abiatuko dute prestatutako egitaraua, urtarrilaren 16ean. Ibarretxe kultur etxean eskainiko dute ikus-entzunekoa, 18:00etan. Urtarrilaren 23an, bestalde, Eñaut Izagirreren 'Incognita Patagonia' lana ikusteko aukera eskainiko dute. Ibarretxe kultur etxean izango da hori ere, 18:00etatik aurrera.
Zaldai Mendi Erronka 2020 ekitaldia egingo du Iurretako mendi taldeak urtarrilaren 29an. Askondoko karpan izango da, 19:00etan hasita. Era berean, argazki lehiaketako sari banaketa egingo dute.
Iurretako Bloke-Eskalada Txapelketa Herrikoiagaz borobildu dute Zaldaik antolatutako IV. Mendi Astea. Urtarrilaren 30erako jarri dute hitzordua, 11:00etan, Goiuriako ermitan. Parte hartzeko ezinbestekoa izango da izena ematea www.zaldaimenditaldea.org webgunean sartuta.
Zaldi mendi taldeak gogoratu du dokumentalak ikusteko plaza mugatuak egongo direnez aurrez izena eman beharko dela zaldai@hotmail.com helbidean. Bazkideek lehentasuna izango dutela azaldu dute.