Joan zen zapatutik desagertuta zegoen gizonaren bila aritu dira aste guztian. Hasieran, Durango, Iurreta eta Abadiñoko Traña-Matiena inguruetan ibili ziren. Desagertutako gizonaren mugikorrak emandako datuen arabera, larrialdi zerbitzuak eremu zabal bat aztertzen aritu dira: Euba, Iurretako zati handi bat Orozketa auzoa barne eta Durango.
Erreskate taldean 32 lagunek jardun dute lanean. 22 inguru DYAko eta Gurutze Gorriko boluntarioak izan dira. Elorrioko txakurren erreskate taldea ere bertan izan da lanean. Horrez gainera, Ertzaintzako mendiko erreskate taldea eta helikopteroa ere aritu dira.