Iurretako Udalak beste administrazio batzuek sustatutako laguntzak eta ekimenak osatu gura ditu, "sektore horrek duen garrantzia eta bizi duen egoera zaila ikusita". Era berean, "jarduerari eusten lagunduko duten neurri berriak sustatzen" jarraitu gura du. Gogoratu dute, uztailean, alarma egoeraren ondorioz kaltetutako autonomo eta mikroenpresei bideratutako diru-laguntza deialdia egin zela.
Laguntzak datorren astetik aurrera eskatu ahalko dira, Bizkaiko Aldizkari Ofizialean argitaratzen direnean. Ordutik bost eguneko epea emango da Herritarren Arretarako Zerbitzuan (HAZ) edo telematikoki eskaria egiteko. Baldintza orriak www.iurreta.eus webgunean daudela azaldu dute udal arduradunek.