Oinezkoentzako bide irisgarri bat egitea aurreikusten du proiektuak. Ibarretxe kultur etxetik eskola eremura iristeko dauden eskaileren paretik abiatuko da 133 metro inguruko arrapala berria, eta sigi-sagan joango da Haurreskolaraino. Irisgarritasuna bermatzeko ibilbide horrek %6 malda izango du. Zuhaiztiak eta eserlekuak jarri nahi dira ibilbidean.
Proiektua atzeratu egin da COVID-19ren pandemiaren ondorioz, Iñaki Totorikaguena alkateak
adierazi duenez: "Nahi baino denbora gehiago behar izan dugu guretzat oso garrantzitsua den
proiektu baterako, besteak beste, osasun-krisiagatik. Baina, azkenean, datorren urteko
udaberrirako eremu berria inauguratzea espero dugu. Obra garrantzitsua izango da, horrela
oinezkoentzako sarbide zuzena eta irisgarria bermatzen baitugu", azaldu du.