Iurretako alkatearen kontrako diligentziak zabaldu ditu Durangoko epaile batek

Naiz.eus hedabideak argitaratu duenez, Durangoko auzitegiko epaile batek diligentziak zabaldu ditu Iñaki Totorikaguena Iurretako alkatearen kontra. Idazkariari "lan jazarpena" eragin izan diezaiokeelakoan abiatu du epaileak ikerketa.

Iurretako idazkariak Iñaki Totorikaguena alkatea eta udaletxeko kontu-hartzailea salatu zituen duela egun batzuk. Ustezko "prebarikazioa" egotzita eta idazkariari berari eragindako "lan-jazarpena" egotzita salatu zuen Totorikaguena. Kontu-hartzailea, berriz, udaletxeko beste lankide bati egindako ustezko "lan-jazarpena" dela eta salatu zuen.

Auzia Durangoko epaitegiko epaile baten eskuetan dago.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.