Diru laguntza lortzeko obrak 2019ko urriaren 1etik 2020ko irailaren 30era bitarte bukatu eta ordaindu beharko dira, eta behar den lizentzia izan beharko dute.
2009an onartu zuen Iurretako Udalak fatxadak eta estalkiak zaharberritzeko, oztopo arkitektonikoak kentzeko eta bizitegi-erabilera kolektiboko eraikinetan igogailuak jartzeko diru-laguntzak emateko udal-ordenantza. Etxebizitza komunitarioen irisgarritasuna, fatxaden estetika eta isolamendu termikoa hobetzeko bideratzen ditu diru-laguntza hauek udalak. Harrezkero, 290.000 euro banatu ditu diru-laguntzatan, 39 bizilagun-komunitateri dagozkien deialdien bidez.
Iñaki Totorikaguena Sarrionandia herriko alkateak dioenez, “bide horretatik jarraituko dugu lanean, bizilagunen komunitateei eraginkortasun energetikoa eta irisgarritasuna mantentzen eta hobetzen laguntzeko. Garrantzitsua da eraikinak baldintzarik onenetan egotea.”
Bestalde, familia bakarreko etxebizitzetarako edo putzu septikoak mantendu eta berritu edo garbitu nahi dituzten baserrietarako epea zabaldu da, 15.000 euroko eta 5.000 euroko aurrekontuekin, hurrenez hurren.