"Jaien gainetik, denon osasuna dago eta arduraz jokatu behar dugu", adierazi dute oharrean Iurretako Udala osatzen duten hiru alderdi politikoek.
Horrez gain, herritarrei ondorengo mezuak helarazi dizkiete: 1. "Iurretarrok kontuan hartu aurten ez dugula jairik ospatzen; ez ditzagun jaia egitera edo jende pilaketak egotera bultzatu ahal dituzten ekintzak izan. 2. Beste herri batean bizi zaretenoi gure herrira festa egitera ez etortzeko eskatzen dizuegu".