70eko hamarkadan Jesus Arizaga auzoko abadea hil zenean Jesuitek euren burua eskaini zuten auzoan domeketako meza emateko. “Auzoan jende nagusi asko dagoenez, parrokiara joan beharrean auzoan meza ematen hasi ziren. Meza ostean auzokideak batu eta bizitza soziala ere egiten zen", azaldu du Inma Biritxinaga orozketarrak. Koronabirusaren krisiak eta jesuiten agurrak meza bertan behera uztea eragin dute. Jesuitek hainbat urtean egindako lan hori eskertu guran, azken urteetan Orozketan meza eman duen Jaime Urigoitia omendu zuten auzokideek ekainaren 21ean. Aita Zabalak ere urte askoan meza eman zuen auzoan.