Gauetan itxita egongo da Amilburuko lurpeko pasabidea. Udal arduradunek azaldu dutenez, " gauetan Udaltzaingo zerbitzurik ez dagoela kontutan hartuta, pasabide hori puntu beltza izan daiteke, une honetan oso gutxi erabiltzen delako". Segurtasuna bermatzeko aukerarik ez dagoelako pasabidea iixtea erabaki du udalak.
Bestalde, Bidebarrieta kalea birmoldatu ondoren, N-634 errepidea "segurtasunez igarotzeko" irisgarritasuna bermatuta dagoela uste du Iurretako Udalak. Horregaitik errepidea gurutzatzeko pasabidearen alde bakoitzean dauden igogailuak kendu egingo dituzte. 2011. urtean jarri zituzten igogailu horiek.