Olaburu burua noranzko bakarrekoa da, orain. Eta, espaloitik gertuen dagoen errepide zatian egokitu dute 2,5 metroko zabalera duen bidegorri berria. Modu horretan, bizikleta-errei berria, Montoiko zubitik hasi, eta, Askondo eta Herritarren Arretarako Zerbitzura (HAZ) heltzen den bidegorriagaz lotu dute, batetik. Bestetik, Bidebarrieta (N-634 errepidean egokitu dena) kaleko bizikletentzako erreiagaz. Elizalde eta Etxego ingururaino doa hori. Aste honetan amaitu dituzten lanokin Larrakozelai futbol zelairano doan Olaburuko bidegorria ere lotuta geratu da.
Iñaki Totorikaguena Iurretako alkateak azpimarratu duenez, "helburua mugikortasun iraunkorra
eta segurtasuna sustatzea da, jende askok bizikleta erabiltzen duen eremu batean. Frontoira, futbol zelaira edo institutura joaten dira diten gazte askoren kasua da hori. Horregatik,
garrantzitsua iruditzen zaigu eremu horretan beharrezko azpiegitura jartzea eta
Iurretako bizikleta-bidea hobetzea".