COVID-19ak eragindako gaitza transmititzeko arriskua murritzeko eta kutsadurak saihesteko helburuagaz ipini gura dute martxan ekimena. Ahoa, sudarra eta kokotsa estaliko duten maskara higienikoak egin eta banatu gura dituzte.
Maskarak egiteko piezak markatuta egongo dira, nola josi argi zehaztuta. Era berean, tutoretza bideo bat bidaliko dute, maskarak egiteko argibideekin. Horrela jakin eragin dute udal arduradunek. Ekimen honi buruzko informazio gehiago gura dutenek edota laguntzeko prest daudenek honako telefono zenbaki honetara deitu dezakete, goizez: 94 621 53 72. Posta elektronikoa ere erabili daiteke: gizarte-ongizate@iurreta.eus