Jon Irazabalek Gerediaga elkartean lan egindako urteetan bildutako informazioan oinarrituta sortutako ipuinak argitaratuko dituzte. Arlo artistikoaz arduratuko da Eñaut Aiartzaguena, eta berak azaldu duenez, herritaren proposamen eta ekarpenak batzeko prest daude. "Iurretako historia denon artean idazten dugulako egunez egunez", argitu du. Handien itzalean argia izeneko proiektu honetara bere ekarpena egin gura duenak galdetegi bat betetzea baino ez dauka.
Jone eta Aritz neba-arreba iurretarrak dira ipuin hauetako protagonista. Konfinamendu garai honetan, bi neba-arrebek denboran zehar bidaiatuko dute, beraien herria hobeto ezagutu guran. "Abenturaz eta ezustezkoz betetako bidaia " izango dute Aiartzaguenaren esanetan. Lehenengo atala kalean dago dagoeneko: Hiru erreka. Audioa ere badago entzungai.
Astelehenetik ostegunera argitaratuko dituzte ipuinak, 11:00etan.