Okela eta arraina gordetzeko tuper bana, ohilezko poltsa bat eta sarezko beste bat eman diete herriko komertzioetan 50 euroko erosketa egin duten bezeroei, prestatutako sortak agortu artean. Hala ere, tokiko komertzioa sustatzeko martxan jarritako kanpaina abenduaren 31n amaitu zen. Izan ere, 50 euroko erosketagaitiko tiketen artean 100 euroko erosketa txartela zozkatu dute. Gaur eman diote saria irabazleari.
Iñaki Totorikaguena alkateak horrelako ekimenak antolatzen jarraituko dutela azaldu du. "Iurretarrok gure herrian kontsumitzeak duen garrantziaz jabetzen garela ikusten dugu, guztiontzat delako onuragarria, udalerria bizirik mantentzeko eta gainera erabilera bakarreko plastiko gutxiago erabilita".