Hamar urte joan dira Iurretako Zaldai taldea sortu zenetik, eta ekimen sorta prestatu dute hori ospatzeko. Astean zehar hainbat ekimen antolatu dituzte, eta gaur esaterako Zaldai mendi erronka bete dutenak saritzeko gala egin dute. Mendizaleek urtebete izan dute Zaldaitik proposatutako mendi guztietatik 10 igotzeko, eta erronka lortu duten 76 lagun eta 6 txakurrei saria eman diete.
Bihar goizean, Basatzen mendi bizikleta martxaren hirugarren aldia egingo dute, eta arratsaldean, Gallandara igoko dira. Helburua Gallanda tontorra argiztatzea izango da.