EH Bilduk ohar batean azaldu duenez, 2019ko urteko kuotaren erdia itzultzea izan liteke egoera horri irtenbidea emateko aukeretako bat. Beste bat, 2020ko kuotan %50eko beherapena eskaintzea. “Soluzio bat bilatu beharra dagoela uste dugu", adierazi du Liher Aiartzaguenak. Horretarako mozio bat aurkeztu dute udalean, eta datozen hileetan ere ildo horretan lanean jarraitzeko asmoa agertu dute. "Arauak aztertu eta irtenbide bat
eman beharra dago", diote.
EH Bilduk azaldu duenez, iurretarrek 45,09 euroko kuota ordaintzen dute urtean, egoiliarren zonaldeetan autoa aparkatzeko eskubideagatik. TAO sistemaren barruan egonda, norbere etxe inguruan autoa uzteko aukera dakar ordainketa horrek, nabarmendu dutenez. ”2019an zehar, ostera, zonalde laranja horietan aparkatzeko aukera mugatu egin da N-634 errepide nazionaleko obren eraginez”, diotenez. EH Bilduk azaldu duenez, udalak zerbitzu justuagoa eman beharko lieke urteko kuota ordaintzen duten bizilagunei.