Honako konpromiso hauek adostu ditu Iurreta Udalak:
- Larrialdi klimatiko egoera deklaratzea.
- Jaurlaritzari eta beste erakunde guztiei eskatzea bakoitzak bere eremuan planak eta politikak egin ditzatela, 2050 baino lehenago Euskadiko Autonomia Erkidegoan karbono isurietan neutraltasuna lortzeko eta esfortzu gehigarriak egin ditzatela data hori 2040.urtera aurreratzeko.
- Iurretako Udalak, bere eskumenen baitan, aldaketa klimatikoari aurre egiteko politika eraginkorrak garatzeko konpromiso irmoa adierazi du, orain arte egin duen moduan.
- Aldaketa klimatikoa eragiten duten udal eskumeneko faktore guztien inguruko diagnosi bat eta Euskal Autonomia Erkidegoko Jasangarritasun Energetikoaren Legearen garapena udalerrira egokitzeko hurbilpen lan bat egitea 2020 urtean, orain arte egin diren ikuskaritza energetikoak gaurkotzeko.
- Udalerriko egoeraren diagnosia kontuan hartuta, larrialdi klimatikoari aurre egitea helburu duen plangintza herritarrekin adostea parte-hartze prozesu zabal baten bitartez. Plangintza hori aurrera eramateko beharrezkoak diren baliabideak bermatzeko konpromisoa hartzen du.