Bigarren geratzen denak, ostera, igoera fasea jokatu beharko du. Iaz horixe gertatu zitzaion Iurretakori, eta, azkenean, ezin izan zuen igo. Aurten eginahalak egiten ari da igoera fasea saihesteko, eta hamabi jardunaldi daramatza galdu barik. Orain hilabete, Urdulizi irabazi zion, etxetik kanpora.
Lau jardunaldi falta dira liga amaitzeko. Urdulizek Ondarroako Aurrera eta Getxo taldeen kontra jokatu behar du oraindik; hirugarren eta laugarren sailkatuak dira, hurrenez hurren. Iurretakok Aurreraren kontra amaituko du liga. Gainerako taldeak sailkapenaren behealdean dabiltza. Esaterako, domekan, 17:00etan, jokoan ezer ez duen Dinamo San Juan hartuko du etxean. Irabazi beharreko partidua da, presioa sartzen jarraitzeko.