Bestalde, ordutegi zabalagoa eskaini eta Ibarretxe kultur etxearen birmoldaketa bultzatuko dute. Etorkinei laguntzeko Harrera Taldea eta partaidetzarako aukerak "sakontzeko" foro sozialak ere sortu gura dituzte.
Bestalde, N-634 errepiderako proiektua gelditu gura dute, "trafiko handiagaz herriak duen arazoa konponduko ez duen partxe bat" delakoan, eta Aldundiagaz hitzarmen berria landu gura dute. Era berean, Maspeko biribilgunea eraldatu gura dute, iurretarrek lehentasuna izateko. Abadetxea herrira zabaltzeko eta kirol azpiegiturak iurretarren esku jartzeko ere lan egingo du EH Bilduk.
Emakumeentzat arriskutsuak izan daitezkeen puntu beltzak identifikatu eta horiek hobetu gura ditu EH Bilduk. Euskara ikastea doakoa izatea eta etxebizitzen alokairu soziala bultzatu gura dituzte.