Udalekuetan izena emateko epea zabaldu du gaur Kimuak aisialdi elkarteak

Udalekuetan izena emateko epea zabaldu du gaur Kimuak aisialdi elkarteak

Uztailerako hiru udaleku antolatu dituzte Kimuak elkartekoek. Martxoaren 4ra arte dago zabalik izena emateko epea. Zozketa, martxoaren 6an egingo dute, 19:00etan, Goiuria kulturgunean.

2009tik 2011ra bitartean jaiotako neska-mutilentzat udaleku finkoa prestatu dute Arabako Sarrian (Zuia), uztailaren 11tik 17ra, batetik. Bestetik, 2005tik eta 2008ra bitartean jaiotakoentzat udaleku finko-ibiltaria antolatu dute. Gipuzkoako kostaldean ibiliko dira gaztetxo hauek, uztailaren 1etik 10era bitartean. Azkenik, 2002 eta 2004 bitartean jaiotako gazteek udaleku ibiltarian parte hartuko dute: Iurreta-Amurrio ibilbidea egingo dute uztailaren 1etik 14ra bitartean. Informazioa Kimuak elkartearen webgunean.