Azken bi legegintzaldietan EH Bilduko zinegotzia izan da 33 urteko iurretarra. Sistemen Informatikako Ingeniari Teknikoa da eta urteak daramatza informatikako irakasle moduan lanean. Herri mugimenduko kide aktiboa da Aiartzaguena; besteak beste, Kimuak Aisialdi Elkartearen sortzaileetako bat izan zen, eta, egun, Zaldai mendi taldean eta jai batzordean parte hartzen du.
Iurretako EH Bilduren hauteskunde zerrenda osatuko duten pertsonak proposatzeko eta izendatzeko prozesu parte hartzailea martxoan izango da. Alkategaia aukeratzeko egin den moduan, fase horretan parte hartzeko ere ezinbestekoa da EH Bilduren barneko erroldan izena ematea: elkarrekin.ehbildu.eus