Otsailaren 26rako antolatu dute bigarren foroa. Bertan, egindako informe teknikoak aztertuko dira eta lehentasunak zehaztuko dira. Hirugarrenez landuko dituzte aurrekontu parte hartzaileak Iurretan, eta hainbat egitasmo jaso izan dituzte: besteak beste, Ebroko zubiaren argiztapena hobetu dute, bidegorrian zehar jarleku gehiago jarri dituzte eta Maspe eta Bidebarrieta arteko lotura egokitu dute gasolindegian.
Udal aurrekontuen elaborazioan herritar guztiei parte-hartzeko aukera ematen dien parte-hartze prozesua da datorren astean hasiko dutena, " horrela herritarrak protagonista aktibo bilakatuz, hausnarketa aktiboa eta solidaritatea sustatzeko, behar errealei irtenbidea bilatzeko, eta, administrazio eta herritarren arteko komunikazioa hobetzeko", ohar baten azaldu dutenez.