93 mendizalek amaitu dute Zaldai mendi erronka

Markel Onainda 2018ko abe. 15a, 11:28

Iurretako mendi taldeak antolatutako erronkaren bigarren edizioa amaitu da, eta finalista guztiei omenaldia egin zieten atzo. Guztira 230 parte-hartzaile izan ditu, 93k amaitu arren. Aipagarria da emakumeak gehiago izan direla finalisten artetik, 47 hain zuzen ere. 

Umeak, gaztetxoak, nagusiak eta txakurrak ere bai. Horiek guztiak omendu zituzten Iurretan, bakoitzari garaikur bat emanda. Ekitaldian erronkako argazkiak erakutsi zituzten, eta Eneko Abasolo Abarkas bertsolariak eta herriko dantzariek ere parte hartu zuten.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!